مسرحية احلام الصغار

احلام الصغار

اربع اطفال 3 بنات وولد نائمون على سريرين فوق المسرح والمسرح مظلم بعض الشئ

يأتى كشاف النور الى جانب المسرح وتدخل فتاه ترتدى زى كالساحره ولكن ساحره ليست شريره

تدخل وتتمتم بكلمات بسيطه ولكن يشعر بها الاطفال ويستيقظون

ويصرخون مفزوعين

الاطفال: انتى مين

الفتاه:انا احلام انا حلمكوا فى كل يوم وكل ليله انا احلام الناس انا خيالكوا وكل اللى تتمنوه

ولائنكوا ببراءة قلوبكوا شوفتونى انهارده هتحلموا احلام على مزاجكوا انتوا مش على مزاجى

ها عايزين تحلموا ايه نبتدى بالاموره الطفله الجميله نفسك فى ايه

الطفله : انا بابا عنى غاب قال جاى ومجاش وانا زعلانه منه عايزه ابعتله رساله وعايزاه يسمعها

احلام:قولى رسالتك بس خرجيها من قلبك قولى وهتوصل ببريد الحلم والحب ببريد شوق الطفل

للاب شوق طفله لأب عنها غاب

يعم الظلام على المسرح وتتقدم الفتاه للاماما والكشاف عليها وحدها وتقول


أبى ألندائى تصغى ألم تعدنى أن تأتى لى بلعبتى
بالعروسة الشقراء صاحبة العين الخضراء لتكون قرينتى
ابى ألم تقبلنى على وجنتى وأحييت لى بسمتى فلما دمعتى
أبى متى تأتى من بغداد وقد طال البعاد وفات الميعاد
سألت عنك قالوا مات وصرت منه تعداد
لم تبلغنى قبل الرحيل مامعنى الموت والاستشهاد
مامعناهم امعناهم وعيد ام فراق بعيد
أبى أستاذتى تطلبك لتحضر حفلى وأناملى على ثقوب الناى تغنى
أبى قد حفظت الدرس وعزفت اللحن وشربت اللبن أنتظرك تداعبنى بالأبتسام
وتغازلنى بالأنغام سأنتظرك ولن أنام لتأخذنى بين الاحضان
لقد قلت لهم لما الاحزان ابى أت أبى لم يخلف لى ميعاد أبى أت
ابنتك هايدى

يعود النور للمسرح

احلام: يادى الكبار مبوظين احلام الصغار مش كفايه مبوظين حياتهم يبقى كمان احلامهم ان بكى الكبار يبكوا الصغار وان غاب الكبار تاهوا الصغار عايشين فى خوف من كل شئ ارهاب ودم حرب ودبح خداع للقوب وجرح يادى الكبار

ها ياحبيبه تحبى تحلمى بأيه

حبيبه: انا عايزه اشوف جميله بنت عمى من فلسطين مات ابوها وامها واخوها جهاد وبقت وحيده عايزه اشوفها ولو دقيقه مش عايزاه حلم عايزاه حقيقه

يعم الظلام على المسرح ويتم تغيير الديكور وفى هذه الاثناء

احلام:لفلسطين هتروحى وهتعيشى حلمك حقيقه مسافتك مش بعيده اركبى خيالك جياد وعدى بلاد اسرع من الطياره والصارو هتروحى فى غمضة عين وهتشوفى جميله بنت فلسطين الوحيده هتشوفيها عنيده

يعود النور للمسرح

وعليه شباب وجنود رسما لحال فلسطين اليوم ووسط المظاهره والحجاره والنار تكون فتاه ترتدى زى جنود وعلى جبينها شاره مكتوب عليها اشهد ان لااله الا الله وان محمد رسول الله

وعلى صدرها سلاح لعبه

وترمى بحجر على كبير الجنود فيصرخ قائلا اقتلو المجرمه دى وهو يشاور على جميله

فيقف كل من على المسرح كلا فى مكانه كما لو انهم تماثيل وجميله مصدومه من هذه الكلمه وتتجه بأتجاه الجمهور وتقول

ان كان حبى لوطنى جريمه فأنا مجرمه

وان كان عشقى لبلدى ارهاب فأنا ارهابيه

وماذا إن كانت عيونى بريئه

وأحلامى سعيده

:

سلاح جهاد بيدى ولكنه صوت بلا ذخيره


: وعشقى لوطنى غريزه
: ألهذا صار الحب جريمه
: كم تمنيت بأن اكون شهيده وفى جنات ربى سعيده
: صرت وسلاح على صدرى بنت السادسه الازلت صغيره
: أترقب مستقبلى بعيون حزينه
: ولكنى اسير بخطى ثابته أأنا عنيده
: اليس من هم بسنى لهم الاهل والاحلام السعيده
: لهم لعبة وعرائس جميله
: فلما انا حولى للدم بحور عديده
: وفارقنى الاخ بعد الاب وصرت وحيده
: اتمنى ولو لعبت مع اخى ببستان الحديقه
: وناديته جهاد ونادانى جميله
: كم تمنى جهاد ولو به ذخيره وقتل محتلو المدينه
: قتل من احتل غزه واريحه
: من سار عابثا بفلسطين الجميله
: بعينى كره وانا للحب حبيبه

أسير بسلاح لايخيف صغيرا ولكن خطوتى ترهب كبيرا

اخطو تجاه الموت كى تكون بلادى مجيده

كى أرى جهاد واحضن ابى وانام على صدر امى فأصير سعيده

ليست احلامى بعيده

فبينى وبين الشهادة دقيقه

فلينزفوا خوفا من خطا فريده

خطاى انا انا جميله

بنت السادسه الوحيده

على جبينى شهادة ربى وبقلبى حبى والخوف بقلوب من جعلونى وحيده

قال ابى ان لى اخوة ببلاد بعيده

بأرض الاسلام والبلاد المجيده

وتمنيت و لوآتى من يحمل سلاح جهاد ولن اكون وحيده

يحمل سلاح بلا ذخيره ونحقق الاحلام السعيده

يسير بجوار ونخيف العابث بالحديقه

يمسك يدى ويرشدنى لطرق بعيده

أحقا لى اخوه ببلاد بعيده

لااظن ان لى اخوة بتلك البلاد لكانوا نجدونى من قوم ثمود وعاد ولا صار للموت تعداد

فأنا ذاهبه لآصير مجرمه وأسطر جريمه ببراءة عينى وبجمال وجهى وبخطى فريده

فلتدون جريمه وارهب تلك الاعين البعيده بخطاى الفريده تدون بعد دقيقه ببراءة دمى على سطور الدمع وبكتاب الجريمه

ولأكون الشهيده

انا جميله انا المجرمه انا المجرمه

يعود الظلام للمسرح ويتم تغيير الديكور وفى اثناء تغييره تقول احلام

ادى جميله فى كل عيد وكل وقت ده حالها ودى احلامها عايزه بس تعيش طفله عايزه تلعب ولو ساعه افتكرتها ضغيره ونسيها كبار ولاكأنهم سامعين وكأنهم نايمين ومش موجودين يادى الكبار

يعود النور للظلام على الديكور الاول وهو ديكور غرفة نوم الاطفال

احلام:مين تانى هيقول حلمه

ياسمينه:انا بقه ياسمينه هحكيلكوا حكايه

يعم الظلام ويتم تغيير الديكور وياسمينه تقول

حكايتى غير كل حكايه حكاية بابا لماوعدنى يجبلى شيكولاته خرج ساعة عصر وقال

ياسمينه

نعم يابا

اكتبى واجبك وساعدى ماما وانا هجبلك الشيكولاته

ولما رجع بابا سألته فين الشيكولاته رد رد مش رد وقال ومقالش تعرف رد ازاى رد وقال

(

تدخل الموسيقى ويدخل فريق الاطفال الراقص)

اصل الحكايه كل الحكايه ماهو الحكايه ملهاش بدايه هجكيلك الحكايه من غير نهايه ماهو الحكايه اصل الحكايه كل الحكايه

كنا وكانوا جينا وروحنا قالوا وقولنا

ماهو

……….

اصل

…………

لما روحت

………..

كان فى

………

هو الموضوع مفيش موضوع ادى الحكايه حكاية قولنا وقالوا عدنا وعادوا زدنا وزادوا توهنا وتاهوا

وان مصدقتيش بصى فى عينى

والعين بتقول غير كده العين بتقول مش متأكده والحكايه غير كده شفتوا ازاى تايهه الحكايه اهو ده كل اللى قاله بابا لماسألته فين الشيكولاته

يعود الظلام للمسرح وفى هذه الاثناء تقول احلام

من تانى الكبار ظالمين الصغار وعود وعهود بتتخلف كل يوم وبتربى فى صدور الصغار غضب وعدم تصديق لكل الكبار

ولما يكبر الصغار هيخلفوا زى الكبار يوووه ياكبار من تانى ظالمين الصغار يادى الكبار

يعود النور للمسرح

احلام: معتش غيرك ياامير عايز ايه تشوف

يعود الظلام للمسرح وفى اثناء تغيير الديكور يقول امير

حلمى اعيش فى مملكه للاطفال كل اللى فيها صغار مفهاش كبار ابدا مفهاش غش ولاخداع مفهاش مظاهر كدابه ووعود مش موجوده مملكه كل اللى القلوب اللى فيها قلوب طاهره والنوايا صافيه والبسمه فى العيون عايشه

مملكه فى كوكب تانى كوكب من غير مدار ولا فلك له شمس تانى وقمر عالى غير كل الكواكب والنجوم

يعود النور للمسرح على شكل مملكه فى الفضاء وكرسى عرش يجلس عليه امير وطفلين حراس واطفال يلعبون فى المسرح

يدخل على المسرح طفلين ومعهما رجل كبير قبضين عليه

الطفل الاول:السلام عليكم ياامير

امير:وعليك السلام

الطفل :وجدنا هذا الكبير فى مملكتنا وجدناه وكأنه تاءه وحائر ولايعرف اين يسير

امير:دى مملكه بنيناها هربا منكوا ياكبار بنيناها من غير مدار كوكب تانى شمسه بسمه فى عيونا قمره قلوبنا الطاهره نجومه ضيا صدورنا وانتوا عايشين فى حرب ودم ولا حد اهتم لابجميله ولاحبيبه لابأبن خال وعم الكل عايش وجواه هم من غير هم وحاسس انه مظلوم وهو ظالم لنفسه ولابنه لاخوه ولابوه دى حياتكوا ياكبار واحنا جينا هنا هربانين

جاى ليه مملكتنا وسايب دنيتكوا

قبل جوابك اشرب هذا الترياق علشان بالكدب مينطقش لسانك

الكبير بعد شرب الترياق

انا عشت فى الدنيا تايه بين كدب ومجاملات عشت اجامل الناس علشان اراضيها

امير :ومبترضاش

الكبير :لابيرضى قريب ولاغريب شوفت كتير اتخنت ومن بعد خنت كدبت وطمعت عزت كل شئ سهل غير بيه مهتمتش وعلشانى عشت كتير شوفت انى صح وقليل صدقت انى غلطت لكن قبل ماتدعى اللحظه اكون تانى كدبت على نفسى وعشت

حاولت اهرب من حياتى لكنى مقدرتش جيت بخيالى وبيه توهت ودورت وجيت ليكوا لمملكتكوا جيت نفسى اكون طفل

امير:كبير عايز يبقى طفل ياترى ممكن اه ممكن لو اراد هيفضل جسمه كبير وعقله اكبر وروحه روح طفل

اه لو كلنا اطفال صغار وكبار

تدخل الموسيقى والفريق الراقص

لوكلنا اطفال صغار وكبار

لو الورد من غير شوك فى الاغصان

كانت كل الطيور احرار بتدور بلامدار

ماكنش بقه بينا تار ولاعاشت جوانا اسرار

ولاعاشت جوانا اسرار

لوكلنا اطفال صغار وكبار لو الورد من غير شوك فى الاغصان

مكانتش دبلت ازهار ولاجفت انهار ولاوقع ورق الاشجار ولاوقع ورق الاشجار

اه لو كلنا اطفال صغار وكبار لو الورد من غير شوك فى الاغصان

كان هرب منا الكدب مكنتش قامت بينا حرب مكانش غضب منا الرب كنا نبقى زى ملائكه من غير ذنب زى الملائكه من غير ذنب

اه لو كلنا اطفال صغار وكبار لو الورد من غير شوك فى الاغصان

كان يبقى صديقنا الصدق ولاعرف طريق قلوبنا الجرح وعاش جوا عيونا الفرح وتاه جوانا الخوف وتاه جوانا الخوف

اه لو كلنا اطفال صغار وكبار لو الورد من غير شوك فى الاغصان

(

تغنى احلام الكوبليه القادم)

كانت تبقى كل القلوب طاهره

كانت تبقى كل الدموع بريئه كان بقه كل البشر اخوه

لو كلنا اطفال كنا بقينا ملايكه كنا بقينا وروود فى زهريه كانت البسمه ماتفارق عيونا

لو كلنا اطفال صغار وكبار لو الورد من غير شوك فى الاغصان

يعود الظلام للمسرح ويتم تغيير الديكور وفى هذه الاثناء يقول الراوى

الطفوله شئ جميل شئ برئ وروود عايشه بينا كنوز مش مقدرنها بسمه قدامنا ومنا تايهه

الطفوله براءه وضحكه

(

يخرج صوت ضحكة طفل)الطفوله من عمرنا فتره بس اجمل فتره متقتلوش جوانا فرحتنا

متقتلوش جوانا فرحتنا متخلفوش وعودكوا ليهم والا بقوا فى يوم زينا يعودوا ويخلفوا وينسوا براءة حلمهم متخلفوش وعدهم

يعود ديكور غرفة النوم للمسرح

احلام:واوام خلصت ليلتنا وبراءة احلامكوا كل ليله هجيلكوا وهتشوفوا كل اللى تتمنوه

ناموا يااطفال واحلموا احلى الاحلام اهربوا من الم الايام فى فرح دنيا الخيال

(

ينام الاطفال)

تتجه احلام للجمهور

وانتوا ياكبار مش هنقدر نحافظ على براءتهم ونعرفهم انهم مننا اجمل ولا هنفضل نوعد ونخلف هنفضل نكره ونخاف ونخوف شايلين الهم من غير هم ناسيين ابن الخال والعم شوفتوا احلام الصغار قد ايه بريئه وطاهره وانتوا ايه احلامكوا حلمك فى عربيه حلمك فى فيلا حلمك فلوس ومال حلمك ملك وجاه دول احلامهم اللى تشوف بس ابوها واللى مانسيت بنت عمها واللى زعلت من كدبه ابوها واللى عايز يكون طفل مش عايز يكبر للكدب والمظاهر اللى مخبيه كتير جواكوا مخبيه اللى مش قادرين تظهروه ولاتهربوا منهم سيبوهم يكبروا اطفال سيبوهم يكبروا اطفال سيبوهم يكبروا اطفال

انتهت ويغلق الستار

حلو حلو حلو حلووووووووووو

اكتر من حلو

مشكورة حبيبتي

مشكورة حبي